Monday, January 12, 2015

ಕಣ್ವತೀರ್ಥ: ಅನಧಿಕೃತ ಮಿನರಲ್ ವಾಟರ್ ಹೆಸರಲ್ಲಿ ವಂಚನೆ: ಸ್ಥಳೀಯರ ಆರೋಪ

ಕಣ್ವತೀರ್ಥ: ಅನಧಿಕೃತ ಮಿನರಲ್ ವಾಟರ್ ಹೆಸರಲ್ಲಿ ವಂಚನೆ: ಸ್ಥಳೀಯರ ಆರೋಪ

ಮಂಜೇಶ್ವರ: ಅನಧಿಕೃತ ಖನಿಜ ಜಲ (ಮಿನರಲ್ ವಾಟರ್) ಹೆಸರಿನಲ್ಲಿ ವ್ಯಕ್ತಿಯೋರ್ವ ಉತ್ತರ ಪ್ರದೇಶ ನಿವಾಸಿಯೋರ್ವನನ್ನು ಸೇರಿಸಿ ಕೊಂಡು ಜನರನ್ನು ವಂಚಿಸುತ್ತಿರುವುದಾಗಿ ಸ್ಥಳೀಯರಿಂದ ವ್ಯಾಪಕವಾದ ಆರೋಪ ಕೇಳಿ ಬಂದಿದೆ.

ತಲಪಾಡಿ ಸಮೀಪದ ಕೇರಳಕ್ಕೆ ಸೇರಿ ಕೊಂಡಿರುವ ಕಣ್ವ ತೀರ್ಥ ರಸ್ತೆಯಲ್ಲಿ ಖನಿಜ ಜಲ ಉತ್ಪಾಧಿಸಲು ಬೇಕಾದ ಯಾವುದೇ ಮಾನದಂಡವನ್ನು ಕೂಡಾ ಅನುಸರಿಸದೆ ಆರೋಗ್ಯಾಧಿಕಾರಿಗಳ ಜೇಬು ತುಂಬಿಸಿ ಸಾರ್ವಜನಿಕರೆದುರು ಬೆಕ್ಕು ಕಣ್ಣು ಮುಚ್ಚಿ ಹಾಲು ಕುಡಿದ ರೀತಿಯಲ್ಲಿ ದಂಧೆಯಲ್ಲಿ ನಿರತರಾಗಿರುವುದಾಗಿ ಆರೋಪಿಸಲಾಗಿದೆ. ರಸ್ತೆ ಬದಿಯಲ್ಲಿರುವ ಬಾವಿಯೊಂದರಿಂದ ತೆಗೆದ ನೀರಿಗೆ ಮಿನರಲ್ ವಾಟರ್ ಎಂಬ ಲೇಬಲ್ ಅಂಟಿಸಿ ಕರ್ನಾಟಕ ದ ದಕ್ಷಿಣ ಕನ್ನಡ ಹಾಗೂ ಕೇರಳದ ಕಾಸರಗೋಡು ಜಿಲ್ಲೆಯ ವಿವಿಧ ಭಾಗಗಳಿಗೆ ವಿತರಿಸುತ್ತಿರುವುದಾಗಿ ಪ್ರತ್ಯಕ್ಷ ದರ್ಶಿಗಳು ಪತ್ರಿಕೆಗೆ ಮಾಹಿತಿ ನೀಡಿದ್ದಾರೆ. ಕಳೆದ ಕೆಲವು ವರ್ಷಗಳಿಂದ ಈ ದಂಧೆ ನಡೆಯುತಿದ್ದರೂ ಇದೀಗ ಈ ವಿಷಯ ಬೆಳಕಿಗೆ ಬಂದಿದೆ. ಕೆಲವು ವರ್ಷಗಳಿಂದ ಗಡಿನಾಡು ಪ್ರದೆಶದಲ್ಲಿದ್ದ ಐಸ್ ಕ್ರೀಂ ಕಾರ್ಖಾನೆಗೂ ಇದೇ ನೀರು ಸರಬರಾಜು ಆಗುತಿತ್ತೆಂದು ಹೇಳಲಾಗಿದೆ. ಇದರ ಬಗ್ಗೆ ಧ್ವನಿ ಎತ್ತಬೇಕಾಗಿದ್ದ ಮಂಜೇಶ್ವರ ಗ್ರಾ. ಪಂ. ಕೂಡಾ ಮೌನವಾಗಿರುವುದು ಭಾರೀ ಸಂಶಯಕ್ಕೆ ಎಡೆ ಮಾಡಿಕೊಟ್ಟಿದೆ. ಈ ಬಗ್ಗೆ ಪತ್ರಿಕೆಯು ಆರೋಗ್ಯಾಧಿಕಾರಿಯನ್ನು ಸಂಪರ್ಕಿಸಿದಾಗ ಸರಿಯಾದ ಮಾಹಿತಿ ನೀಡದೆ ಸಂಪರ್ಕ ಕಡಿತಗೊಳಿಸಿದ್ದಾರೆ.

No comments:

Post a Comment