Monday, January 19, 2015

ಕುಂಜತ್ತೂರು, ತೂಮಿನಾಡು ದಾರಿಯಾಗಿ ವ್ಯಾಪಕ ಅನಧಿಕೃತ ಮರಳು ಸಾಗಾಟ: ಲಾರಿ ಸಹಿತ ಓರ್ವ ಸೆರೆ

ಕುಂಜತ್ತೂರು, ತೂಮಿನಾಡು ದಾರಿಯಾಗಿ ವ್ಯಾಪಕ ಅನಧಿಕೃತ ಮರಳು ಸಾಗಾಟ: ಲಾರಿ ಸಹಿತ ಓರ್ವ ಸೆರೆ

ಮಂಜೇಶ್ವರ: ಮರಳು ಮಾಫಿಯಾಗಳು ಇದೀಗ ರಾತ್ರಿ ಹಾಗೂ ಮುಂಜಾನೆಗಳಲ್ಲಿ ಕುಂಜತ್ತೂರು ಒಳ ದಾರಿಯಾಗಿ ಬಂದು ಕುಂಜತ್ತೂರು ಜಂಕ್ಷನ್ ಮೂಲಕವಾಗಿ ಹಾಗೂ ಕುಂಜತ್ತೂರು ಪದವು ಒಳ ದಾರಿಯಾಗಿ ಬಂದು ಟೂಮಿನಾಡು ಜಂಕ್ಷನ್ ಗಳಲ್ಲಾಗಿ ರಾಷ್ಟ್ರೀಯ ಹೆದ್ದಾರಿಯನ್ನು ಪ್ರವೇಶಿಸಿ ಬಳಿಕ ನಕಲಿ ಪಾಸನ್ನು ಬಳಸಿ ಕರ್ನಾಟಕದ ನೇತ್ರಾವತಿಯಿಂದ ತರಲಾದ ಅನಧಿಕೃತ ಮರಳನ್ನು ಕೇರಳಕ್ಕೆ ಕೊಂಡೊಯ್ಯುತ್ತಿರುವುದಾಗಿ ತಿಳಿದು ಬಂದಿದೆ.

ಕುಂಜತ್ತೂರು ಒಳ ದಾರಿಯಿಂದಾಗಿ ಬರುವ ಅನಧಿಕೃತ ಮರಳು ಲಾರಿಗಳು ರಾಷ್ಟ್ರೀಯ ಹೆದ್ದಾರಿ ಪ್ರವೇಶಿಸಲು ಪ್ರತಿಯೊಂದು ಲಾರಿಗೂ ಒಂದು ಸಾವಿರ ರೂ. ನಂತೆ ಸ್ಥಳೀಯ ಕೆಲವೊಂದು ಪುಡಾರಿಗಳಿಗೆ ನೀಡಬೇಕಾಗಿದೆ. ಒಂದು ರೀತಿಯ ಹಪ್ತಾ ರೀತಿಯಲ್ಲಿ ಇದೀಗ ಮರಳು ಸಾಗಾಟವಾಗುತ್ತಿದೆ. ಈ ಮಾಹಿತಿ ಅರಿತ ಮಂಜೇಶ್ವರ ಪೊಲೀಸರು ತಪಾಸಣೆ ನಡೆಸಿದಾಗ ಕರ್ನಾಟಕದಿಂದ ಕೇರಳಕ್ಕೆ ಸಾಗಿಸುತಿದ್ದ ಲಾರಿ ಸಹಿತ ಚಾಲಕನನ್ನು ಸೆರೆ ಹಿಡಿಯಲಾಗಿದೆ. ಈ ಸಂಬಂಧ ಲಾರಿ ಚಾಲಕ ಮುಡಿಪು ಬಾಲಪುಣಿ ಪುಳ್ಕೂರು ನಿವಾಸಿ ಸುರೇಶ (26) ಎಂಬಾತನನ್ನು ಸೆರೆ ಹಿಡಿಯಲಾಗಿದೆ. ಕರ್ನಾಟಕದ ನೇತ್ರಾವತಿ ಹೊಳೆಯಿಂದ ತರಲಾಗುತ್ತಿರುವ ಮರಳನ್ನು ತಲಪಾಡಿ ಗಡಿ ಪ್ರದೇಶದಿಂದಾಗಿ ತಂದು ಒಳ ಮಾರ್ಗದಲ್ಲಿ ಸಾಗಿ ಕೆದಂಬಾಡಿ ಪರಿಸರದಲ್ಲಿ ಶೇಖರಿಸಿ ಬಳಿಕ ರಾತ್ರಿ ಹಾಗೂ ಮುಂಜಾನೆ ವೇಳೆಗಳಲ್ಲಾಗಿ ತೂಮಿನಾಡು ಹಾಗೂ ಕುಂಜತ್ತೂರು ಜಂಕ್ಷನ್ ದಾರಿಯಾಗಿ ಕೇರಳಕ್ಕೆ ಸಾಗಾಟ ಮಾಡಲಾಗುತ್ತದೆ. ಇದರಿಂದ ಮರಳು ಮಾಫಿಯಾಗಳು ಪ್ರತಿ ದಿನಗಳಲ್ಲಿ ಲಕ್ಷಾಂತರ ರೂ. ಜೇಬಿಗಿಳಿಸುತಿದ್ದಾರೆ.

No comments:

Post a Comment