Saturday, January 17, 2015

ಮಂಜೇಶ್ವರ ಗ್ರಾ.ಪಂ. ನಲ್ಲಿ ಸಾಂತ್ವಾನ ಚಿಕಿತ್ಸಾ ಯೋಜನೆ ಕಾರ್ಯಕ್ರಮ

ಮಂಜೇಶ್ವರ ಗ್ರಾ.ಪಂ. ನಲ್ಲಿ ಸಾಂತ್ವಾನ ಚಿಕಿತ್ಸಾ ಯೋಜನೆ ಕಾರ್ಯಕ್ರಮ
ಮಂಜೇಶ್ವರ: ಜೀವನದಲ್ಲಿ ಕಷ್ಟವನ್ನು ಅನುಭವಿಸುತ್ತಾ ಮನೆಯ ನಾಲ್ಕು ಕೋಣೆಯೊಳಗೆ ಬಂಧಿಯಾಗಿರುವ ವಿವಿಧ ರೀತಿಯ ರೋಗಪೀಡಿತರನ್ನು ಗುರುತಿಸಿ ಅವರನ್ನು ಸಾರ್ವಜನಿಕ ಸ್ಥಳದಲ್ಲಿ ಕರೆಸಿ ಅವರ ಮನಸ್ಸಿಗೆ ಮನರಂಜನೆಯನ್ನು ನೀಡುವ ನಿಟ್ಟಿನಲ್ಲಿ  ಮಂಜೇಶ್ವರ ಗ್ರಾ. ಪಂ. ಹಾಗೂ ಆರೋಗ್ಯ ಕೇಂದ್ರ ಮಂಗಲ್ಪಾಡಿ ಇದರ ಸಂಯುಕ್ತಾಶ್ರಯದಲ್ಲಿ ಶನಿವಾರದಂದು ಬೆಳಿಗ್ಗೆ ಗ್ರಾ. ಪಂ. ಆವರಣದಲ್ಲಿ ಸಾಂತ್ವಾನ ಚಿಕಿತ್ಸಾ ಶಿಬಿರವನ್ನು ನಡೆಸಲಾಯಿತು.
ಮಂಜೇಶ್ವರ ಗ್ರಾ. ಪಂ. ಅಧ್ಯಕ್ಷೆ ಮುಶ್ರತ್ ಜಹಾನ್ ರವರ ಅಧ್ಯಕ್ಷತೆಯಲ್ಲಿ ಜರಗಿದ ಕಾರ್ಯಕ್ರಮವನ್ನು ಮಂಜೇಶ್ವರ ಬ್ಲಾಕ್ ಪಂ. ಅಧ್ಯಕ್ಷೆ ಮುಂತಾಸ್ ಸಮೀರ ಉದ್ಘಾಟಿಸಿದರು. ವೇದಿಕೆಯಲ್ಲಿ ಪಂ. ಸದಸ್ಯರಾದ ಪ್ರಶಾಂತಿ, ಅಬ್ದುಲ್ಲ ಕಜೆ, ಅಲೀಮ, ಆರೋಗ್ಯಾಧಿಕಾರಿ ಪ್ರಭಾಕರ ರೈ, ಮಂಜೆಶ್ವರ ಬ್ಲಾಕ್ ಪಂ. ಉಪಾಧ್ಯಕ್ಷ ಹರ್ಷಾದ್ ವರ್ಕಾಡಿ, ಮಾಜಿ ಪಂ. ಅಧ್ಯಕ್ಷ ಯು ಎ ಖಾದರ್ ಮೊದಲಾದವರು ಶುಭಾಶಂಶೆ ಗೈದರು.ಮಂಜೇಶ್ವರ ಗ್ರಾ. ಪಂ. ವ್ಯಾಪ್ತಿಯಲ್ಲಿ ಪಂಚಾಯತಿನಲ್ಲಿ ದಾಖಲಾಗಿರುವ  ವಿವಿಧ ರೀತಿಯ ರೋಗಕ್ಕೆ ತುತ್ತಾಗಿರುವ 227 ರೋಗಿಗಳ ಪೈಕಿ 150 ರೋಗಿಗಳು ಇದೀಗ ಬದುಕಿ ಉಳಿದಿದ್ದಾರೆ. ಶಿಬಿರಕ್ಕೆ ಅವರೆಲ್ಲರನ್ನು ಆಹ್ವಾನಿಸಿ ಒಬ್ಬೊಬ್ಬರಿಗಾಗಿ 5 ಕೆಜೆ ಅಕ್ಕಿ, 1.5 ಕೆ ಜಿ ಸಕ್ಕರೆ ಹಾಗೂ ಒಂದು ಹೊದಿಕೆಯನ್ನು ವಿತರಿಸಲಾಯಿತು. ರೋಗಿಗಳನ್ನು ಮನರಂಜನೆ ಗೊಳಿಸುವ ಸಲುವಾಗಿ ಎಸ್ ಎ ಟಿ  ಶಾಲಾ ವಿದ್ಯಾರ್ಥಿಗಳಿಂದ ಹಾಗೂ ಪರಿಸರದ ಇತರ ಕ್ಲಬ್ ಗಳ ಸದಸ್ಯರು ಮನರಂಜನೆ ಕಾರ್ಯಕ್ರಮವನ್ನು ನಡೆಸಿಕೊಟ್ಟರು. ಜತೆಯಾಗಿ ರೋಗಿಗಳಿಗೆ ವೀಲ್ ಚೇಯರ್ ಹಾಗೂ ವಾಟರ್ ಬೆಡ್ ನ್ನು ಕೂಡಾ ವಿತರಿಸಲಾಯಿತು. ಅಂಗನವಾಡಿ ಅಧ್ಯಾಪಕರು, ಪ್ರತಿಭಾವಂತ ವಿದ್ಯಾರ್ಥಿಗಳು, ಮಾಪ್ಪಿಳಪ್ಪಾಟ್ ನಲ್ಲಿ ಜಿಲ್ಲಾ ಮಟ್ಟದಲ್ಲಿ ಗಮನ ಸೆಳೆದ ಕ್ಲಬ್ ಸದಸ್ಯರಿಗೆ, ಹಾಗೂ ಇತರ ಪ್ರತಿಭೆಗಳನ್ನು ಗುರುತಿಸಿ ಅವರನ್ನು ವೇದಿಕೆಯಲ್ಲಿ ಸನ್ಮಾನಿಸಲಾಯಿತು. ಮಂಜೇಶ್ವರ ಉಪಜಿಲ್ಲಾ ಮಟ್ಟದಲ್ಲಿ ಶಾಸ್ತ್ರೀಯ ಮಟ್ಟದಲ್ಲಿ ಪ್ರಥಮ ಸ್ಥಾನವನ್ನು ಗಿಟ್ಟಿಸಿದ ಎಸ್ ಎ ಟಿ ಶಾಲಾ ನಾಲ್ಕನೇ ತರಗತಿ ಯ ವಿದ್ಯಾರ್ಥಿ ಶಿಲ್ಪಾ ಕೆ. ವೇದಿಕೆಯಲ್ಲಿ ನಡೆಸಿದ ಕಾರ್ಯಕ್ರಮ ಭಾರೀ ಮೆಚ್ಚುಗೆಯನ್ನು ಪಡೆಯಿತು.  ಪಂ. ಕಾರ್ಯದರ್ಶಿ ಧನಂಜಯ್ ಸ್ವಾಗತಿಸಿ ಹೆಲ್ತ್ ಇನ್ಸ್ ಪೆಕ್ಟರ್ ಎನ್ ಸುಕುಮಾರನ್ ವಂದಿಸಿದರು. 

No comments:

Post a Comment